НВУ „Руске слово” на Сайму представела руски кнїжки

515 Опатрене

НОВИ САД – Вчера, 6. марца, на Медзинародним сайму кнїжкох у Новим Садзе НВУ „Руске слово” отримала промоцию своїх виданьох на штанду Покраїнского секретарията за културу, явне информованє и одношеня з вирскима заєднїцами.

Привитуюци шицких присутних, директор Установи др Борис Варґа гварел:

– Публицистика, кнїжки за дзеци, поезия и младежска литература найзаступенши кед слово о лоньскей видавательней продукциї нашей медийней хижи. Мож повесц же прешлосц и будучносц Руснацох представяю нєвичерпну инспирацию нашим автором.

На рускословскей промоциї представени лоньски виданя: Руски християнски календар (алманах) за 2020. рок; Дюра Латяк „Руснаци” други том; Славко Роман Рондо „Одняти од псох”, поезия; Юлиян Тамаш „Їжик голик”, поуки за дзеци и старших; Ирина Гарди Ковачевич „За главки у лавки”, писнї за дзеци; Силвестер Макаї „Боси по праху”, писнї и приповедки за дзеци; Анамария Рамач Фурман, др Борис Варґа и Мария Ковачевич „Весели буквар”, сликовнїца за дзеци; Любица Фа-Гарди „Як ше тройо прашатка рихтали за жиму”, сликовнїца; Вецей авторе, „Гумно 2: Дзеци з дружтвених мрежох”, зборнїк литератури младих 2010-2020.

ПОВЯЗАНИ ТЕКСТИ