ВЕРБАС – З нагоди доставаня новей вредней опреми, вербаски Общи шпиталь вчера нащивели покраїнска секретарка за здравство, социялну политику и демоґрафию проф. др Весна Копитович и директор Управи за капитални укладаня АП Войводини Небойша Маленкович.
Дзекуюци средством Управи за капитални укладаня АП Войводини Общи шпиталь купел медицинску опрему вредну 26 милиони 952 000 динари. Медзи иншим то и два апарати за анестезию, видео-ендоскопски слуп з видео-ґастроскопом и видео- колноскопом, електрогирурґийни єдинки за резанє и коаґулацию.
Директор Управи за капитални укладаня Небойша Маленкович гварел же Покраїнска влада средства обезпечела пре квалитетнєйшу медицинску защиту коло 23 000 жительох з вецей општинох кори хасную услуги Шпиталю у Вербаше.
Покраїнска секретарка Весна Копитович з тей нагоди визначела же до Министерства здравя упутени апел за ришованє нєдостатку педиятрох и ґинеколоґох у тей вербаскей здравственей установи.
Госцох привитал директор Общого шпиталю др Йован Янич, котри подзековал на видвоєних средствох и наявел скрацованє лїстинох чеканя.