БЕОҐРАД – Влада Сербиї прилапела Уредбу о енерґетски защиценим купцови, з хтору хаснователє пенєжней социялней помоци и дзецинского додатку буду мац повласценя у трошеню струї и ґазу.
За здобуванє статусу защиценого купца гражданє буду придавац вимоги до локалних самоуправох, а буду мац и можлївосц жалби на ришеня.
По новей Уредби, хаснователь котрому з утаргованьом випоручованя струї, лєбо ґазу може буц загрожени живот и здравє, а дотераз нє мал право на безплатни киловати, здобува тото право на основи медицинскей документациї.
Уставни суд концом септембра оспорел одредбу Уредби о енерґетски защиценим купцови прето же нє предвидзовала можлївосц жалби.
До теди було 70 000 защицених купцох електричней енерґиї и ґазу, а з применьованьом новей Уредби ше обчекує же их будзе коло 200 000.