БЕОҐРАД – Министер правди Сербиї Никола Селакович виявел вчера же нови Закон о защити збуньовачох, чийо применьованє почина нєшка, 5. юния, дава наймоцнєйшу форму судскей защити особом котри розодкриваю злохаснованє и корупцию.
Вон потолковал же збуньоваче дотераз мали лєм админстративну защиту Аґенциї за борбу процив корупциї, а нови Закон предвидзує защиту суду, хтори их може врациц на роботу кед буду одпущени, потим защиту од мобинґу и вимсценя.
Нови законски ришеня предвидзую же особи котри приявя корупцию, лєбо злохаснованє на роботи, нє можу буц положени до нєвигодней ситуациї, бо им держава дава судску защиту хтору буду витворйовац з тужбу пред компетентним судом, по наглим поступку.