ВЕРШЕЦ – Числени здравствени установи у Сербиї розписали конкурси за приманє нового медицинского кадру, а вчера одобрени и 1 200 нови специялизациї – виявел вчера за Танюґ министер здравя Златибор Лончар под час вчерайшей нащиви Вершцу.
– Пред двома тижнями зме дали упутство здравственим установом же би розписали конкурси и векшина то уж зробела. Обчекуєм же пошвидко людзе достаню роботу – гварел министер Лончар.
Кед слово о специялизацийох, вон гварел же одобрени вецей як 140 за радиолоґию, коло 90 за анестезиолоґию и 130 специялизациї за педиятрию.
У Сербиї уж длугши час присутни нєдостаток медицинского кадру рижних профилох, и як вчера гварел министер Лончар, тото ше тераз почнє ришовац.