НОВИ САД – Покраїнска влада вчера розписала конкурс за додзельованє пенєжу за купованє хижох на валалє, наменєни младим малженским паром з Войводини. За конкурс видвоєни 68 милиони динари, а по одредбох конкурсу, єдна малженска пара годна достац найвецей милион динари.
Конкурс розписани пре порив за розвой руралних штредкох, оживйованє и подмладзованє войводянских валалох, звекшованє наталитету, злєпшанє демоґрафскей структури, та економске змоцньованє женох.
Представюяци конкурс, покраїнски секретар за привреду, обезпечованє роботи и ровноправносц полох Мирослав Васин вчера гварел же вон нагода за млади пари же би себе обезпечели дом, а ґу тому и порив за хаснованє потенциялох валалу и напущених хижох.
Кандидати за доставанє средствох за хижи на валалє муша буц у малженстве найменєй рок, лєбо нєвинчана пара котра ма тирвацу заєднїцу, а котри можу апликовац лєм з єдну прияву.
Текст конкурсу мож превжац на сайту Покраїнскей влади vojvodina.gov.rs/sr.