БЕОҐРАД – Од школского 2015/16. року безплатни учебнїки буду доставац шицки дзеци з єднородительских фамелийох, хранительских фамелийох, домох за дзеци без старательох, з фамелийох чийо обидвойо родичи нєзаняти и други материялно загрожени дзеци, без огляду до хторей класи основней, лєбо штреднєй школи ходза, одлучело Министерство просвити Републики Сербиї.
Дотерашня пракса мала хибу же безплатни учебнїки з трох предметох доставали шицки дзеци по штварту класу ОШ, док шицки кнїжки мушели куповац старши школяре, и тоти з материялно загрожених фамелийох.
По законченю школского рока, школяре котри мали безплатни учебнїки мушели их врациц цо очуванши, а по нових одлукох Министерства, од школского 2015/16. року школяре тоти кнїжки годни затримац.
За проєкт безплатних учебнїкох наменєни коло 600 милиони динари, а пошвидко школи у Сербиї буду обвисцени о новому планє розподзельованя кнїжкох.
Як Танюґу гварене у Министерстве просвити, родичи дзецох котри спадаю до наведзених катеґорийох, за доставанє учебнїкох годни ше приявиц уж початком марца.