БЕОҐРАД – У Нарису о вименкох и дополнєньох Закона о безпечносци у транспорту векша увага пошвецена младим вожачом, як и вожачом котри конзумую алкогол. Министер нукашнїх дїлох Небойша Стефанович наявел же будзе уведзене огранїченє моцносци мотору за младих вожачох, а гранїца допущеного алкоголу у креви вожачох будзе 0,2 промили, место дотерашнїх 0,3.
При потупеньох буду уведзенa и можлївосци браня вожацких дозволох, як и превозки, без огляду кому вона припада, а вименки Закона условели „шицки страшни ствари хтори ше у остатнїм периодзе збували младим вожачом“, гварел министер Стефанович за РТС.
Явна розправа о Нарису вименкох и дополнєньох Закона о безпечносци у транспорту тирвали од 20. януара по 22. фебруар, а на основи суґестийох и коментарох, плановане же конєчна верзия будзе закончена о два тижнї.