НОВИ САД – Подприємство „Енерґотехнїка Южна Бачка“ пошвидко у Новим Садзе отвори нову галу у хторей ше будзе продуковац високотехнолоґийни продукти з обласци автоматики, а под истим закрицом будзе и едукативни центер у хторим будзе обука за роботу у Нємецкей.
Як за „Дневник“ гварел директор „Енерґотехнїки Южна Бачка“ Давор Крмпот, едкативни центер до тераз функционовал у просторийох „Енерґотехнїки“, а пре векше поглєдованє за нашима роботнїками у Нємецкей, мушело ше направиц сучасни едукативни центер, през хтори рочнє прейду коло 350 роботнїки.
Хто жада участвовац у обуки, ма ше приявел на конкурс хтори „Енерґотехнїка Южна Бачка“ периодично розписує. Кандидати треба же би мали закончену голєм штредню школу у обласци електронїки и електротехнїки, два роки роботного искуства и же би нє були виновно осудзовани.
После селекциї, кандидати буду покладац тести, та котри буду мац найлєпши резултати – войду до узшого кругу. Кандидати котри буду вибрани подпишу контракт о обуки у едукативним центре, хтора тирва штири мешаци.
Як дознава „Дневник“, обука нє лєгка и состої ше з интензивного ученя нємецкого язика, практичней и теорийней обуки з фаху. После обуки кандидати знова покладаю тести, цо закончуюци ступень вибору. Гевти котри успишно положа тест, годни достац роботу на одредзени час у Нємецкей.