ВИНОГРАДОВ (УКРАЇНА) – У читальнї районскей библиотеки у Виноградове, у Закарпатскей обласци України, нєдавно представене перше число нового русинского културно-белетристичного часопису з назву „Оцовщина”, преноши lem.fm информацию з „Новинох Виноградщини”.
Часопис „Оцовщина” почало видавац Обласне културно-просвитне здруженє „Александер Духнович”, циль му обновиц русинску историю, културу и язик, будзе виходзиц квартално, а обявює литературни твори, литературни критики, язиково норми, материяли з историї и етноґрафиї, леґенди, приповедки…
Главни редактор часопису Юрий Шипович, котри єден час бул и редактор „Гласу Русинох”, часопису Шветового конґресу Русинох/Руснацох/Лемкох.
На представяню першого числа о новим часопису бешедовал координатор того проєкту и предсидатель Здруженя „Александер Духнович” Юрий Продан. У першим чишлє публиковани роботи сучасних русинских поетох и прозаикох, як и твори писательох досовєстского периоду. На промоциї предложене же би „Оцовщина” уведла и бок зха дзеци.
На презентациї присуствовали и писателє Михайло Чухран и Олександр Купар, етноґраф Иван Биланчук, та Ана Мегела, Олґа Прокоп и други.