НОВИ САД – Завод за вибудов Городу Нови Сад того року планує вибудовац 19 нови терени за бавенє дзецох, 11 терени за вежбанє на отвореним, ушориц штири спортски терени и три школски двори.
За дзецински терени за бавенє видвоєни 51 милион 400 000 динари, а вибудов перших дзевец теренох у обєктох ПУ „Радосне дзецинство” и на трох нових локацийох у городзе, почнє накадзи хвиля дошлєбодзи.
Того року видвоєни и 14 и пол милиони динари за вибудов нових теренох за вежбанє на отвореним и за огради коло спортских теренох. Два терени за вежбанє уж поставени, а у идуцим периодзе почнє вибудов ище дзевец.
За ушоренє просторох коло школох плановани 14 милиони 823 000 динари.