Нови Сад закончел процес кандидованя за Европску престолнїцу култури 2021

автор сен
911 Опатрене

НОВИ САД – Представителє европских городох хтори потримали Нови Сад у кандидатури за Европску престолнїцу култури (ЕПК) 2021 нащивели тот город и з представителями Городу Нови Сад и Орґанизацийного одбору ЕПК бешедовали о кандидатури и искуствох других городох.

Нови Сад ше представи и апликацию за кандидованє прида 16. октобра на Конференциї подунайских городох и реґийох. З нагоди концу процеса кандидованя, член Городскей ради за културу Ваня Вученович подзековал шицким хтори потримали кандидатуру и виражел надїю же Нови Сад будзе преглашени за Европску престолнїцу култури.

3-Horod-02

Ґенерални координатор Совиту дунайских городох и реґийох Петер Ланґер гварел же Нови Сад, як мултиетнїчни и мултиконфесийни штредок, хтори добре сотрудзує з Дунайским реґионом, живописну, алє и боляцу историю, автентичну архитектуру, богатим културним и науковим животом, треба же би постал Европска престолнїца култури.

У рамикох програми Медзинародней потримовки кандидатури Нового Саду, на Петроварадинскей твердинї будзе отримана вистава 50 погляднїцох рижних уметнїкох з Европи.

ПОВЯЗАНИ ТЕКСТИ