Нови Сад ма два нови памятнїки култури

автор 021/сен
886 Опатрене

НОВИ САД – Концом януара Нови Сад постал богатши за два памятнїки култури, а то комплекси Електротехнїчней школи „Михайло Пупин“ и „Анґлийско-югославянски дзецински шпиталь“ у Сримскей Каменїци. Тераз у Новим Садзе єст 173 памятнїки култури.

Як гварели у Заводзе за защиту памятнїкох кулури Нового Саду, обидва комплекси тот статус достали пре историйну значносц, а Електротехнїчна школа ма ище и архитектонски, та уметнїцки вредносци.

– Вона барз вредни обєкт у историї просвити од самого початку своєй роботи, а ма огромне архитектонске значенє. Уж на перши попатрунок видно же то монументални будинок у стилу сецесиї – гварела Александра Зекович зоз Заводу за защиту памятнїкох култури.

Кед слово о шпиталю у Сримскей Каменїци, крем историйней значносци, Зековичова наглашела же тот обєкт памятка и на британску гуманитарку Кетрин Мекфейл, котра була активна у Новим Садзе.

ПОВЯЗАНИ ТЕКСТИ