КУЛА – Кулски Дом здравя тих дньох достал нови колор дуплер-ултразвучни апарат, купени з буджету Општини Кула за 2 милиони 970 000 динари.
Апарат директорови Дому здравя др Жаркови Шевинови придал предсидатель Општини Кула Перица Видеканїч и з тей нагоди визначел же то приклад доброго сотруднїцтва локалней самоуправи и Дому здравя, а з новим апаратом будзе злєпшана превенция и дияґностика пациєнтох.
– Потримуєме кажди проєкт хтори доприноши злєпшаню живота гражданох општини – гварел Видеканїч.
Директор Дому здравя Кула др Жарко Шевин гварел же на ултразвучни препатрунки пациєнти у тей установи нє чекаю длуго, без огляду же роби лєм єден радиолоґ.
– Нагли случаї препатраме такой, а пациєнти котри нє у тей ґрупи, на препатрунок чекаю од 7 до 10 днї – гварел др Шевин.