СРИМСКА МИТРОВИЦА – Екипа ЖРК „Срим” зоз Сримскей Митровици за дзивчата до 16 рокох (народзени 2002) постала шампион Войводини, на закончуюцим турнире Супер лиґи за дзивчата у Сримскей Митровици, прешлого викенду. Тренер тей екипи Славко Надь зоз Руского Керестура.
Друге место у Супер лиґи освоєли рукометашки РК „Лаки” зоз Червинки, а трецепласовани дзивчата ЖРК „Словен” з Руми. Попри тих трох екипох участвовац на першенстве Сербиї обезпечели и бавячки ЖРК „Пролетер” зоз Зренянину.
Лиценцирани тренер Надь уж вецей роки успишнє тренира рукометни екипи ЖРК „Деронє” у Дироню, а того року є анґажовани водзиц на турнири и два екипи рукометашкох народзених 2002. и 2004. зоз Сримскей Митровици.