ЕВРОПСКА УНИЯ – Резултати виглєдованьох европских институцийох о квалитету продуктох у Европскей униї (ЕУ) указую же продукователє до старих и нових членїцох тей заєднїци нє посилаю поживу истого квалитету, пише горватски „Ютарнї лист”.
Виглєдованє окончене у Ческей указало же аж 35 одсто прикладнїкох поживових продуктох було слабшого квалитету як у державох хтори стари членїци ЕУ, а ґу тому, там су и драгши як ориґинални продукт у розвитших державох.
Рибово палїчки у Данскей маю седем одсто вецей риби як и Ческей. У нових членїцох ЕУ (та и других державох) еврокреми маснєйши и поцукрованши, у продуктох з меса место швинєцини єст и живинского меса. Екстра дївицов олєй помишани з другима масцами, а конзерва туни з меншим количеством риби кошта два раз вецей як ориґинални продукт.
На реакциї явносци о розликох у квалитету поживових продуктох Европска комисия сообщела же вони здравствено добри.