Новоотворени подприємства два роки нє плаца таксу

автор зам
977 Опатрене

КУЛА – На основи Програми за хаснованє буджетского фонду за защиту и унапредзованє животного штредку, идуцого року коло 40 милиони динари Општина Кула унапрями за витворенє поцискуюцого воду за канализацию медзи Червинку и Кулу, а вецей як 20 милиони динари за вибудов канализацийней мрежи у улїци Петра Драпшина у Кули, як и за реконструкцию мрежи у улїци Йосипа Крамера у Кули.

Цалосни прилїв до Фонду плановани на 66 милиони 250 000 динари, а спомнути инвестициї часц програми за защиту водох у кулскей општини, у складзе су з обовязками Кули за ришованє проблему заґадзеносци Велького Бачкого беґелю и часц су вибудови колектору за одрутни води и канализациї за кулску и вербаску општину.

9-Fond-02

З Фонду за защиту животного штредку нарок будзе вибудована и трансферна станїца за комунални одпад коло „Лапошу”, а за финансованє нєвладових орґанизацийох з обласци еколоґиї плановани 500 000 динари.

Општинска рада Кула вименєла и Одлуку о надополнєню за защиту и унапредзованє животного штредку, спрам хторей новоотворени подприємства буду ошлєбодзени од плаценя того надополнєня у перших двох рокох дїлованя, цо за рок длужей. Уведзене и стимулованє за привредни дружтва и поднїмательох же би цо вецей средства укладали до чистих технолоґийох, зменшованя заґадзеня и наставаня одпаду.

ПОВЯЗАНИ ТЕКСТИ