ДЮРДЬОВ – Вчера пополадню у КУД „Тарас Шевченко” у Дюрдьове отримана остатня тогорочна креативна роботня у орґанизациї младих з того Дружтва.
На роботнї дзеци правели рижни новорочни прикраски за обисце и на ядловец, а потим шицки вєдно з нїма украшели ядловец хтори будзе крашиц просториї Дружтва, як и сцену за Крачунски концерт по юлиянским календаре.
Отримованє креативних роботньох през рок на рижни теми помогли Роботне цело за младеж Националного совиту Руснацох и Управни одбор КУД „Тарас Шевченко”.