НОВИ САД – Манифестация „Новосадска яр” того року будзе отримана од 15. до 19. марца на першим поверху СПЕНС-а. На манифестациї ше представя велї продукователє квеца, опреми за гортикултуру, меду, здравей поживи, сувенирох и продуктох ручней роботи.
Того року, окрем предайней часци, нащивительом буду понукнути вецей змисти – роботнї за дзеци предшколского возстору под назву „Еко-куцик” у рамикох хторей дзеци буду учиц як ше садзи квеце, буду и роботнї о Дунаю, бициґлизме, волонтеризме и волонтерских кампох, а буду представени и лєтнї кампи у Сримских Карловцох за дзеци висших класох основней школи.
На „Новосадскей яри” представя ше и даскельо школи фолклору, а годно одпатриц и єдну представу.
Манифестация „Новосадска яр” традицийна, бо ше отримує уж 26 роки, годно присц кажди дзень од 8 до 20 годзин, а уход на СПЕНС безплатни.
Тоту манифестацию орґанизує новосадске здруженє „Рух горякох Нового Саду”.