Новосадски дзеци з увагу провадзели представу Дюрдьовчанох

автор фес; фото: вев
971 Опатрене

НОВИ САД – Дзецинска драмска секция КУД „Тарас Шевченко” з Дюрдьова з представу „Нєлапшни шаркань” стреду, 18. мая, госцовала у Руским културним центре у Новим Садзе. Фалат Мирослава Настасиєвича режирал Яким Чапко, а ґлуми єденацчленови дзецински ансамбл.

Дзецом з Нового Саду ше пачело як ше шаркань з принцом бори за любов принцези, а окреме кед ґлумец-пекар вошол до публику и велїм подзелєл „переци”. Костими як у сказки – богати и креативни, а ґлумцом ше цали час удало затримац увагу и наймладших у новосадскей Матки. Моцни аплауз на концу то и потвердзел.

З „Нєлапшним шарканьом” Дюрдьовчане госцовали и на тогорочним Драмским мемориялє „Петра Ризнича Дядї” у Руским Керестуре.

ПОВЯЗАНИ ТЕКСТИ