БЕОҐРАД – Аґенция за приватизацию по 3. юлий обявела явни поволанки за предаванє 50 глашнїкох у державней власносци, а медиї за хтори нє обявене предаванє буду лєбо загашени, лєбо акциї буду понукнути занятим.
Найдрагша обявена початна цена за даєден медий у цалей Сербиї то за предаванє пакету акцийох новосадского „Дневнику” – 7,3 милиони еври, док найнїзшу цену ма ЯП за информованє „Нови Кнежевац” – 235. еври.
Початна цена за Новинску аґенцию „Танюґ” скоро 761 000 еври, а медзи драгшима медиями у Сербиї и РТВ „Шабац” – 600 000 еври, „Студио Б” – вецей як 500 000 еври, як и Городски информативни центер „Аполо” з Нового Саду – 175 000 еври.
Початна цена за предаванє ЯП за информованє „Бачка Тополя” 35 201 еври, а ЯП „Ради Шид” 6 928 еври.
По закону, купец обовязни предлужиц медийску дїялносц найменєй пейц роки и же у тим чаше нє будзуе меняц ушорйовацку политику.