ВЕРБАС – Як стої на єй сайту, Општина Вербас и Канцелария за енерґетски менаджмент (КЕМ) номиновани за награду „Energy Globe Award 2015”, хтору додзелює „Energy Globe Foundation”.
Тота нєпрофитна орґанизация дїлує у обласци енерґетскей ефикасносци и обновлївих жридлох енерґиї и ґлобални є лидер у обласци отримуюцосци.
Як сообщене з вербаскей КЕМ, проєкт запровадзованя системи енерґетского менаджменту на локалним уровню єдинствени приклад у нашей жеми, и як таки є номиновани у катеґориї FIRE, хтора облапя отримуюци проєкти з обласци енерґиї.
Циль награди презентовац успишни и отримуюци проєкти ширшей явносци, а церемония додзельованя наградох за тот рок будзе 19. януара 2016. року у Тегерану.
Тота найзначнєйша награда з обласци защити животного штредку запровадзена 1999. року.