Нєправилносци у службеним хаснованю язикох националних меншинох

автор ртв/сен
924 Опатрене

ВОЙВОДИНА – Виглєдованє о хаснованю язика и писма у орґанох покраїнскей управи, хторе окончел Покраїнски омбудсман, указало же ше нєдостаточно дзба за права припаднїкох националних меншинох котри сцу бешедовац на мацеринским язику.

Спомедзи 13 анализованих орґанох покраїнскей управи, лєм пейц маю акт хтори наклада же за одредзене роботне место потребне знанє язикох националних меншинох хтори у Войводини маю статус службеного язика. Медзитим, за знанє язика националней меншини постої алтернатива знаня другого странского язика.

Представителє рускей националней меншини на вецей заводи визначовали проблем нєдостаточней заступеносци припаднїкох нашей националней меншини у орґанох локалней самоуправи, алє кед слово о покраїнских орґанох, виглєдованє указало же на тим уровню стан нє таки подли. У одношеню на структуру жительства Войводини, у покраїнских институцийох нєдостаточно заступени Мадяре, Румунє, Словаци и Горвати.

ПОВЯЗАНИ ТЕКСТИ