БЕОҐРАД – Министерство за роботу, обезпечованє роботи, борецки и социялни питаня сообщело же пре Вельку ноц и Швето роботи, нєроботни днї буду од 29. априла по 3. май, а у складзе зоз Законом о державних и других шветох.
Велька ноц по юлиянским календаре и Швето роботи того року падаю на исти дзень – 1. мая, та прето єст и вецей нєроботни днї – сообщене з Министерства.
Вельконоцни швета починаю на пияток, 29. априла, на Вельки пияток, а тирваю по пондзелок, 2. мая.
Державне Швето роботи ше слави два днї, а понеже того року Швето роботи на нєдзелю, нєроботни дзень и вовторок, 3. май.