НОВИ САД – У Руским културним центре (РКЦ) у Новим Садзе нєшка, 27. мая, будзе традицийна програма Дзе(нь) младосц(и)”, хтора того року инспирована зоз записами Володимира М. Гнатюка, односно кнїжку „Еротика Рутеника”. Програма почнє на 20,30 годзин, а як наявене, тот „Еротични вечар” розбиє одредзени табуи и упозна з тим боком живота наших предкох.
У рамикох програми будзе и вистава фотоґрафийох авторки Андреи Новак, инспированих з руску (еротичну) традицию, а о спомнутих темох буду бешедовац Мирон Джуня и Александра Лендєр.
На програми „Дзе(нь) младосц(и)” будзе виведзени и кабаре по руски, у хторим пригодни народни шпиванки буду шпивац нашо уж афирмовани шпивачки Саня (Полдруги) Дивлякович, Александра Колбас и Танита Ходак.