РУСКИ КЕРЕСТУР – По григориянским календаре у парохиї св. оца Миколая у Руским Керестуре нєшка ше швеци швето велїкомученїка Георгия – Дзуря, а у грекокатолїцкей парохиї у Марковцу, у Банату, нєшка преславюю Кирбай.
Церква ше на Дзуря здогадує на младого римского вояка Георгия, котри у чаше цара Диоклецияна, коло 300. року у Никодиї настрадал за Христову виру, хторей ше нє сцел зрекнуц анї по найчежших церпеньох.
Керестурски парохиянє швето означа на Велькей Служби Божей, хтора будзе у Марийовим святилищу Водици на 10 годзин, кеди будзе и обряд пошвецаня жита, а Служби у Катедралней церкви буду на 8 и 19 годзин.
Нєшка шицким Георгийом, або Дюром, имени дзень.