НОВИ САД – Предсидатель Скупштини Автономней Покраїни Войводини (АПВ) Иштван Пастор за нєшка, 20. юния, на 10 годзин заказал другу схадзку Скупштини АПВ, на хторей би мала буц принєшєни вименки и дополнєня Одлуки о покраїнскей управи и вибрани предсидателє и члени одборох покраїнского парламенту.
Як надпомнуте у поволанки, кед буду сполнєти шицки формално-правни условия, по закончєню другей, будзе отримана треца схадзка Скупштини, на хторей будзе вибрана Покраїнска влада.
Прешлого тижня за мандатара Покраїнскей влади Александар Вучич предложе Иґора Мировича зоз Сербскей напредней странки (СНС), а пияток, 17. юния, предсидатель Скупштини Иштван Пастор (СВМ) з представителями посланїцких ґрупох у парламенту отримал консултативни схадзки пред вибором Покраїнскей влади.
Як Пастор гварел после консултацийох, найвироятнєйше же Покраїнску владу буду твориц представителє СНС и єй коалицийни партнере, представителє СПС и єй коалицийни партнере и СВМ.