Нєшка законченє турнеї Ансмаблу „Рутения”

автор лем.фм/зам   фото лем.фм
978 Опатрене

БРАТИСЛАВА (СЛОВАЦКА) – Фолклорни ансамбл „Рутения”, хтори роби при орґанизациї „Млади Русини” з Братислави, нєшка, 9. децембра, у главним городзе Словацкей отрима закончуюци, пияти концерт на своєй мини-турнеї по вецей местох у Словацкей.

„Рутения” свойо концерти, з назву „Русинске шерцо”, од 15. октобра по нєшка отримала у Кошицох, Старей Любовнї, Прешове и Снїни, а нєшкайши закончуюци у Братислави будзе у Доме култури „Жвераткови гай”.

„Русинске шерцо” представя танци и шпиванки з Прешовщини, алє, як поведзене у наяви хтору дава портал лем.фм, и Руснацох з Войводини.

У тим младежским ансамблу анґажовани млади Русини нє лєм з Братислави, алє з рижних местох Словацкей котри на школованю у Братислави, а активни су и у других младежских орґанизацийох.

Вяри того року ансамбл русинску културу и традицию представел и на госцованю у Перуу, у Южней Америки.

ПОВЯЗАНИ ТЕКСТИ