ДЕВА (РУМУНИЯ) – У Деви у Румуниї нєшка будзе друга схадзка нового зволаня Шветовей ради Русинох/Руснацох/Лемкох (ШР РРЛ), а источашнє будзе означени и Дзень Русинох Румуниї.
Медзи иншим, ШР будзе розпатрац и предкладаня за витворйованє заключеньох комисийох з остатнього, Тринастого Шветового конґресу РРЛ, хтори прешлого року отримани прве у Деви. Будзе слова и о тогорочней Награди ШР „Василь Турок Гетеш”, о тогорочних проєктох ШР, медзи нїма и о публикованю Календару културних манифестациїйоих РРЛ, як и о новим – „Русин филм фестивалу”.
Спред Рускей матки (РМ), як членїци ШК, на зашеданю Шветовей ради и културно-уметнїцкей програми з нагоди Дня Русинох Румуниї присуствую член ШР Дюра Папуґа, члени Конґресней комисиї за културу ШК РРЛ Миломир Шайтош и Саня Тиркайло и член Управного одбору РМ Славко Пап.