Нєшка з предсидательом скупштинского Одбору о образованю на язикох меншинох

автор зам
895 Опатрене

БЕОҐРАД – Предсидатель Одбору за образованє, науку, технолоґийни розвой и информатичне дружтво Народней скупштини Републики Сербиї Муамер Зукорлич нєшка на 11,30 г. у Доме Народней скупштини у Беоґрадзе приме делеґацию Координациї националних совитох (НС-ох) националних меншинох у Сербиї.

З представителями Координациї НС-ох Зукорлич будзе бешедовац о образованю на язикох меншинох, односно о заключеньох хтори Координация НС-ох принєсла на своєй схадзки у Новим Пазаре 13. юлия того року, а пре обезпечованє витворйованя права на образованє на мацеринским язику, односно на виучованє мацеринского язика з елементами националней култури. Петнац Заключеня зоз спомнутого сходу послати и до Министерства просвити.

У делеґациї Координациї НС-ох буду Мелания Римар спред рускей, Светлана Золнян спред словацкей, Есад Джуджо спред бошняцкей, Дарко Шарич Лукендич спред горватскей, Анико Єраш спред мадярскей и Витомир Михайлович спред ромскей националней меншини у Сербиї.

ПОВЯЗАНИ ТЕКСТИ