СЕРБИЯ/ЕВРОПА – Нєшка, 9. мая, Дзень Европи, як здогадованє на датум кед 1950. року французки предсидатель Влади Роберт Шуман виложел концепт зєдинєного континенту, цо постала основа за познєйше снованє нєшкайшей Европскей униї (ЕУ).
З рижнима змистами, Дзень Европи будзе преславени нє лєм у жемох Европскей униї, алє и других, ширцом швета.
Як наявене, найскромнєйше ше будзе славиц праве у шедзискох институцийох ЕУ у Стразбуру, Бриселу и Луксембурґу. Гражданє годни нащивиц найвисши институциї ЕУ, а у Стразбуру ґенерални секретар Совиту Европи Тобєрн Яґланд положи венєц на чесц жертвом нацизму у Другей шветовей войни.
Дзень Европи будзе означени и у беоґрадским Институту за медзинародну политику, з отвераньом вистави „Европски интеґрациї у кнїжкох“.