Нєшка и на ютре у Орахове „Днї нового хлєба”

автор ядю
971 Опатрене

НОВЕ ОРАХОВО – Културна манифестация „Днї нового хлєба”, 15. по шоре, будзе отримана нєшка и на ютре у Новим Орахове.

Нєшка буду орґанизовани спортски змаганя у малим фодбалу и кошарки, а за найлєпших предвидзени и награди. На 16,30 почню нащивительом барз интересантни Бависка без гранїцох, а после змаганьох будзе диско на отвореним.

На ютре пред поладньом будзе змаганє у вареню паприґашу, отверанє вистави ручних роботох и вашар, а на три годзин будзе Служба Божа на котрей ше пошвеци нови хлєб. У Руским доме писатель Часар Левенте представи нову кнїжку, по улїцох ше прейду фиякеристи, а на пейц пополадню дзешец културно-уметнїцки дружтва отримаю културну програму. На вечар будзе концерт на котрим буду шпивац Жарко Прибакович и Атила Кекинь зоз Бачкей Тополї, односно „Асове” зоз Трешнєвцу.

Орґанизатор Манифестациї „Днї нового хлєба” Месна заєднїца Нове Орахово, нєвладово орґанизациї, културно-уметнїцки и спортски дружтва. 

ПОВЯЗАНИ ТЕКСТИ