КУЛА – Предсидатель Скупштини општини (СО) Кула Велибор Милоїчич за нєшка заказал трецу схадзку локалного парламенту, а медзи аж 20 точками дньового шору найвецей тоти хтори вязани за буджет кулскей локалней самоуправи.
Пред одборнїками, медзи иншим, и Предлог ребалансу буджету Општини Кула за 2016. рок, алє и предлоги одлукох о Закончуюцим рахунку буджету за 2015. рок, та звити о сполньованю буджету за прешли и перше полроче того року.
На дньовим шоре и Предлог Рочней програми защити, ушореня и хаснованя польопривредней жеми на териториї општини Кула за 2016. рок, з хтору ше пожнєло, та предлоги одлукох о сновательних актох и звитох о дїлованю вецей явних комуналних подприємствох у местох општини, медзи нїма и рускокерестурского ЯКП „Руском”.
Предвидзене и приношенє вименкох и дополнєньох Одлуки о комуналних дїялносцох, як и вименки Одлуки о месних заєднїцох.
Нєшкайша схадзка СО Кула почнє на 10 годзин.