Нєшка и о тидзень у Месней придаванє вимогох за витворйованє правох на олєгчаня

автор зам
1k Опатрене

РУСКИ КЕРЕСТУР – У рамикох ширшей акциї на уровню кулскей општини, з назву „Гражданом на хасен” нєшка, 2. марца, а вец и о два тижнї, 16. марца, шицки котри за тото сполнюю условия, у Месней заєднїци Руски Керестур можу придац потребни вимоги и документи за витворйованє правох на рижни даваня од Општини и Центру за социялну роботу Општини Кула.

Так мож придац вимоги за попуст за струю, за дзецински додаток, за родительски додаток, за беби-пакет, за мацерински додаток, за мешачни карти за школярох, за шицки конкурси Оддзелєня за дружтвени дїялносци Општини, за помоц у пенєжу прейґ Центру за социялну роботу, та за єднократну помоц у пенєжу.

Вимоги и документи представительом Оддзелєня за дружтвени дїялносци нєшка у Месней заєднїци Руски Керестур годно придавац од 8 до 12 годзин, а потим и 16. марца.

ПОВЯЗАНИ ТЕКСТИ