КОЦУР – Месни одбор Рускей матки, Етно-клуб „Одняте од забуца”, у сотруднїцтве з Културним центром Вербас нєшка и на ютре, 7. и 8. мая, у Коцуре орґанизую Днї театру. Участвую три представи – два на сербским и єдна на руским язику.
Нєшка на 20,30 г. будзе одбавена представа „Портрет малиґней клїтинки”, по тексту и у режиї Цветина Аничича, а у виводзеню Театру „Бранислав Нушич” зоз Шиду.
На ютре, 8. мая, на 17 г. будзе дзецинска представа „На терапиї у Милеви”, хтору написала и режирала Катарина Фейди, а витворена є у продукциї Културно-просвитного дружтва „ДОК” з Коцура.
Исти дзень на 20,30 г. на Дньох театру участвує представа „Най жиє покойнїк” Слободана Елезовича, у режиї Радоя Раонича, а у виводзеню Аматерского театру „Владимир Попович” Културного центру Вербас.
Шицки три представи буду одбавени у сали Дому култури у Коцуре, а уход шлєбодни.