РУСКИ КЕРЕСТУР – Млади зоз Здруженя „Pact Rutehenorum” того викенду, 1. и 2. юлия, на рускокерестурским базену орґанизую журку. Обидва днї журки буду од 20 вечар по 4 годзин рано, а уход безплатни.
Идея за орґанизованє журки настала спонтано, а як гварел предсидатель Пакту Яким Винаї, то будзе опущене лєтнє друженє на хторим нє буду наступи на живо, музика будзе у режиї орґанизаторох и будзе ше пущац странску музику.
Тиж так, то будзе и „зогриванє” за векши Пактов проєкт – журку хтора будзе 23. юлия на истим месце, а деталї о наступох на тим збуваню буду пошвидко обявени.