СЕРБИЯ – Приємни испити за специялизовани штреднї школи буду отримани нєшка, 6. и на ютре, 7. юния, а по податкох зоз школох у Сербиї, того року вельке интересованє за упис до математичних и филолоґийних ґимназийох, музичних, балетских и уметнїцких школох. За 3 180 места ше приявели коло 4 000 школяре, преноши Танюґ.
Того року уведзена пракса же школяр котри покладал приємни испит з одредзеного предмету може буц ранґовани у гоч хторей школи кед нє упише першу з лїстини жаданьох.
У математичних и рахункарских ґимназийох и оддзелєньох ше за єдно место приявйовали два кандидати, а у язичних ґимназийох и оддзелєньох найвекше интересованє за анґлийски язик.
Прелиминарни резултати буду обявени 10. и 11. юния, термин за жалби єден дзень, понеже конєчни резултати приємних испитох муша буц обявени до 12. юния. Потим, 15, 16. и 17. юния шицки школяре виходза на обовязни закончуюци испит, кеди буду покладац тести з мацеринского язика, математики и комбинованого теста.