Нєшка концерт Хору „Алпе Адриа” з Италиї

автор зам
1.2k Опатрене

НОВИ САД/ВЕРБАС/РУСКИ КЕРЕСТУР – Хор „Алпе Адриа” з Удинох, з Италиї, хтори того викенду госцує у наших местох, нєшка, 20. мая, у Културним центре Нового Саду (у Клубу „Трибина младих” у Католїцкей порти), под дириґенством маестра Андреа Тофолиния, на 19 годзин отрима самостойни концерт.

Домашнї хору з Италиї парохия у Руским Керестуре, а госцованє витворене з потримовку Националного совиту Руснацох и Заводу за културу войводянских Руснацох.

На ютре, 21. мая, госци з Италиї буду участвовац на Хорским фестивалє „Карпати” у Вербаше, а на нєдзелю, 22. мая, буду шпивац Вельку Службу Божу у рукокерестурскей Катедралней церкви, вєдно з домашнїм хором.

ПОВЯЗАНИ ТЕКСТИ