БЕОҐРАД – Звит зоз другей схадзки Роботней ґрупи за виробок Акцийного плану за запровадзованє правох националних меншинох, институциализованє Координациї националних совитох, та як далєй у приватизованю медийох – буду єдни з главних точкох на нєшкайшей схадзки Координациї националних совитох националних меншинох у Сербиї.
Предсидателє, лєбо овласцени представителє националних совитох нєшка маю вибрац и кандидата за члена Националного совиту за културу, а порадза ше и о дальших активносцох Координациї.
Схадзка Координациї, под предшедовань єй предсидательки Ани Томановей Макановей, нєшка будзе отримана у Палати Сербия у Беоґрадзе на 12 годзин. На схадзки будзе присуствовац и предсидатель Националного совиту Руснацох Славко Рац.