НОВИ САД – Нєшка Медзинародни дзень борби процив фашизму и антисемитизму, на дзень кед пред 70 роками була ткв. Кристална ноц, а з нагоди 9. новембра, Покраїнски омбудсман оценєл же ше нєшка людски права и ровноправносц у явносци релативизує и практично банализує.
– Означованє 9. новембра, як синониму за початок прешлїдзованя Єврейох з боку нацистичней власци и уводу до голокаусту, нєшка би мало значиц одвичательне справованє шицких гражданох, поєдинцох и ґрупох, ґу людским правом, своїм и цудзим – гвари Покраїнски омбудсман.
– Институциї на шицких уровньох би гражданом мали поручовац же буду дошлїдни у применьованю законох и же буду на час и ефикасно реаґовац. Медзитим, у штредку дзе ше ище вше нє змирела ситуация после войни з конца 20. вику, институциї би насампредз мали превентивно дїйствовац – сообщел Обмудсман АПВ.
Тота покраїнска институция указала и на проблем же у сучасним дружтвеним окруженю, под плащом шлєбоди бешеди и права на информованє, ище вше маме барз вигодни условия за ширенє идейох хтори свойочасово приведли до розвою нацизму и фашизму.