СЕРБИЯ – Як ширцом швета, нєшка ше и у Сербиї означує Медзинародни дзень людских правох, як здогаднїк на тото же кажди чловек ма право на живот, шлєбоду и безпечносц.
Медзинародни дзень людских правох ше означує од 1950. року, два роки по подписованю Универзалней декларациї о людских правох. Декларация ґарантує охрану гражданских, политичних, економских, социялних и културних шлєбодох и правох чловека, а у нєй наглашене же тоти права и шлєбоди нє завиша од националней, державней, идеолоґийней, социялней и културней припадносци.
З нагоди Медзинародного дня людских правох нєшка у Сербиї буду отримани рижни конференциї, сходи, манифестациї и акциї, даєдни отримани уж вчера, а пре указованє на дзепоєдни проблеми и злєпшанє одношеньох у тей обласци.