НОВИ САД – Нєшка у Руским културним центру у Новим Садзе будзе отримане мултимедиялне стретнуце на хторим будзе госц академик Юлиян Тамаш.
Наш познати писатель и науковец будзе бешедовац о своїх початкох у писаню, о тим прецо важне писац на мацеринским язику, о наукових досягох и других темох котри зацикавя публику. Зоз тим стретнуцом будзе означени и Тамашов 70. родзени дзень.
Мултимедиялне стретнуце будзе нєформалного характеру, попреплєтане зоз музичнима точками Владимира Сивча, а почнє на 19 годзин.