РУСКИ КЕРЕСТУР – Шветово познати Суботицки тамбурови оркестер нєшка наступа на Двацец другей Културней манифестациї „Костельникова єшень”, на програми у Велькей сали Дому култури Руски Керестур, хтора почина на 19 годзин.
Коло трицец тамбураше виведу популарни мелодиї з класичней музики у аранжманох за тамбуру, под дириґенством Марияни Марки.
У бешедней часци нєшкайшей програми нашо искусни рецитаторе публики першираз презентую виривки з остатнього написаного твору Гавриїла Костельника „Квити на пристолє”, хторе длуго роки нє було познате явносци, окреме нашей.
