ВУКОВАР – У Городским музею у Вуковаре нєшка, 21. мая, будзе шветочносц з нагоди Дня Руснацох у Републики Горватскей (РГ). Дзень Руснацох у Горватскей 25. май, як здогадованє на датум кед 1836. року основана перша грекокатолїцка парохия у Петровцох.
Нєшкайша шветочносц почнє на 18,30 годзин з кладзеньом венцох на криж коло Дунаю, а на 19 г. у Городским музею будзе промоция кнїжки „Народне облєчиво бачванско-сримских Руснацох”, у виданю Заводу за културу войводянских Руснацох.
Шветочна академия з нагоди Дня Руснацох будзе на 20 г. у сали Городского музею.
Шветочносц орґанизує Координация рускей националней меншини у РГ, а под покровительством Вуковарско-сримскей жупаниї.