НОВИ САД – У Заводзе за културу войводянских Руснацох у Новим Садзе (Футожска 2/3), нєшка на 12 годзин будзе отримани Округли стол з тему „Национална стратеґия и єй имплементация”, на инициятиву Роботней ґрупи при Роботним целу за науку Националного совиту (НС) Руснацох.
На Округлим столє буду викладац др Янко Рамач, др Яков Кишюгас, академик Юлиян Тамаш и заменїца Покраїнского омбудсмана Ева Вукашинович.
Як наявене, и предсидателє одборох и роботних целох НС Руснацох винєшу терашнї стан и думанє о ришованю одредзених проблемох пре дополньованя и актуализованє Националней стратеґиї Руснацох по 2020. рок, як и Акцийного плану за єй запровадзованє.