КРУЩИЧ – У Крущичу нєшка будзе 48. Општинска смотра рецитаторох „Максим Єкнич”, на хторей участвую 34-еро рецитаторе з местох у кулскей општини, вибрани на прешлого тижня отриманих месних смотрох.
Змаганє рецитаторох почнє на 18 годзин у сали КУД „Крущич” (дакедишнї Дом култури), а по руски ше у трох возростох буду змагац 10-еро рецитаторе – дзевецеро з Руского Керестура и єдна рецитаторка з Кули.
Селектор Смотри ґлумец Сербского народного театру з Нового Саду Миодраґ Петрович, з консултантами за руски и мадярски язик, а госц на програми будзе познати поета за дзеци Неделько Попадич.