РУСКИ КЕРЕСТУР – У просторийох Месней заєднїци нєшка у Руским Керестуре будзе перша єднодньова роботня з тему ”Розвой туризму у Руским Керестуре”, як часц проєкту ”Валал з погляднїци – зоз слику до туризму”. Роботню орґанизує консултатнтска фирма ”Футуризем” д.о.о. з Нового Саду, а у сотруднїцтве з Месну заєднїцу Руски Керестур.
Як дознава Рутенпрес, на роботнї буду присутвовац коло 25 особи, дзе, попри представительох здруженьох и власнїкох приватних ґаздовствох, и школяре з Туристичного напряму керестурскей Штреднєй школи.
Учашнїком буду представени форми туризму хтори би могло розвивац на подручу општини и у Керестуре, способи розвою руралного туризму, буду предочени шицки туристични потенцияли Руского Керестура, як и потребни крочаї у креированю нових туристичних продуктох.
Роботня будзе од 9,45 до 15,30 годзин.