РУСКИ КЕРЕСТУР – У парохиї св. оца Миколая у Руским Керестуре нєшка на 16,30 годзин у Катедралней церкви будзе Парастос за шицких покойних уписаних до грамотней кнїжки, як увод до тогорочного циклусу молитвох за покойних – Задушних соботох.
На ютрейшу першу Задушну соботу домашнї священїки на 8 г. у Катедралней церкви буду служиц грамотну Службу Божу за покойних тей парохиї, чийо мена їх блїзки дали записац до грамотней кнїжки. Як гварели на парохиї, наступни днї у парохийним уряду ище мож записац своїх покойних.
Пейц Задушни соботи заєднїцка молитва Церкви за упокоєних парохиянох, а отримує ше их кажди рок у чаше коло Велького посту и закончує пред Русадлями.
У парохийох нашого Апостолского еґзархату хтори швета рахую по юлиянским календаре, циклус Задушних соботох почнє тидзень познєйше як по григориянским календаре.