Нєшка перши наставни дзень у другим полрочю, собота роботна

автор ядю
821 Опатрене

ВОЙВОДИНА – По школским календаре за 2018/19. рок, о чим правилнїк принєсол покраїнски секретар за образованє, предписаня, управу и национални меншини–национални заєднїци Михаль Нїлаш за основни и штреднї школи зоз шедзиском на териториї АП Войводини, нєшка перши наставни дзень у другим полрочю.

По календаре школяре у другим полрочю школяре буду мац ярнї розпуст, од 19. априла по 2. май, и два роботни соботи – уж на соботу, 19. януара и 4. мая.

Школски 2018/19. рок за основношколцох ше закончи 14. юния 2019. року.

Маломатуранти свойо осемрочне школованє законча 31. мая, а од 17-19. юний буду покладац закончуюци испити.

Штредньошколцом, котри того школского року закончую штварту класу ґимназийох, школски рок готови 24. мая, школяром тророчних и штиророчних фахових школох 31. мая, а гевтим другим штредньошколцом 21. юния.

ПОВЯЗАНИ ТЕКСТИ