РУСКИ КЕРЕСТУР – Як и у цалей Сербиї, и у двох керестурских образовних установох – у Основней и штреднєй Школи Петро Кузмяк и Оддзелєню „Цицибан” ПУ Бамби з Кули – нєшка почина Дзецински тидзень, хтори тирва по пияток, 9. октобра.
Тогорочна манифестация ше отримує з мотом „Потримовка фамелиї – найлєпша потримовка дзецом”, та до велїх активосцох у керестурскей Школи и у дзецинскей заградки, вєдно з дзецми буду уключени и їх родичи.
И у Школи и у „Цицибану” з нагоди Дзецинского тижня заплановани числени активносци у шицких возростох – од рижних креативних роботньох и виставох, квизох, по спортски змаганя и забавни друженя, а буду орґанизовани и гуманитарни акциї.
Того року плановани и вецей медзиґенерацийни стретнуца, нащиви школярох до предшколскей установи, як и заєднїцки квиз зоз школярами з Коцура.
Так уж нєшка ґимназиялци нащивя дзеци у дзецинскей заградки, а школяре нїзших класох ОШ маю медзиґенерацийне друженє.